Ish-kryeministri Sali Berisha ka folur sot për herë të parë për gjithçka ndodhi e shoqëroi këtë garë për kreun e PD-së.
Pas votimit të tij për kreun e ri të PD-së, Berisha mes të tjerash u dha një përgjigje edhe gjithë thirrjeve të bëra së fundi për një rikthim në drejtimin e PD-së, dhe marrjen e fateve të demokratëve në dorë.
“Roli im është ja u them këtu, unë përpiqem nga mëngjesi deri në darkë të luftojë Ramën dhe pasardhësin e tij, se kam dyshimet e mia, por unë kurrë nuk do të ndërhyjë në problemet e brendshme të PD për sa kohë, po të më pyesin më ka pyet Basha, Patozi, Selami dhe u kam thënë mendimet e mia me sinqeritet, sot e ndjeva për detyrë, këto janë gjëra të pamundshme. Nuk po jap asnjë mendim publik, se nuk ka rikthim, unë nuk kam ndërmend as të qëndroj dhe as të angazhohem”- tha ai.
